Ученик на Спортска академија, најмлад стрелец во УЕФА Европа лига, најмлад член на младинската репрезентација У21 Елиф Елмаз

Репрезентацијата на Македонија до 21 година оствари важна победа од 2:0 над Северна Ирска во натпревар од квалификациите за пласман во Европското Првенство во 2017 година во Полска. На круг до крајот од циклусот за ЕП, Македонија е лидер во групата 3 пред Франција, Исланд, Украина, Шкотска и Северна Ирска.

Избраниците на селекторот Благоја Милевски одлично го започнаа натпреварот и постојано вршеа притисок кон голот на гостите, кои беа дефанзивно ориентирани и преку контра напади ја бараа својата шанса. Македонија пропушти неколку добри можности за гол, а за издвојување се обидите на Барди и Радески. Ако нашите млади играчи немаа среќа да погодат, тоа го направи Још Доерти, но во погрешната мрежа. Се играше 39. минута кога Даниел Аврамовски остро нафрли пред голот, а Доерти со намера да ја острани опасноста, ја спроведе топката во сопствената мрежа за водство од 1:0 за нашите надежи.

akademija_fudbal1
Во вториот дел гостите со обидуваа да стигнат до израмнување, но Македонија ги имаше подбрите можности. Барди, Бабунски и Радески имаа свои обиди кои не донесоа промени, а во 81. по голема грешка на гостинската одбрана, голманот спасуваше од самата гол линија. Сепак вториот погодок за Македоника се случи само четири минути подоцна кога Кире Маркоски украде една топка, продре директно кон голот и со убав удар погоди за 2:0.

Репрезентација до 21 година: МАКЕДОНИЈА – С. ИРСКА 2:0 (1:0)

МАКЕДОНИЈА: Алексовски, Тошевски, Зајков, Барди, Николов, Радески (Костадинов 90’), Бабунски (Елмаз 81’), Велковски, Маркоски, Мурати, Аврамовски (Пивковски 57’).

Сподели:
Facebooktwittergoogle_pluslinkedinFacebooktwittergoogle_pluslinkedin

Be the first to comment

Leave a Reply

Your email address will not be published.


*